اسلام آباد میں جوڑے پر تشدد کیس کے مرکزی ملزم کیخلاف ایک اور خاتون سامنے آگئی

اسلام آباد میں لڑکی اور لڑکے پرتشدد کیس کے مرکزی ملزم عثمان مرزا کے خلاف ایک اور خاتون  نے جیو نیوز سے رابطہ کرلیا۔

راولپنڈی کی متاثرہ خاتون کا مؤقف ہے کہ عثمان مرزا کافی عرصہ مجھے ہراساں کرتا رہا اور سوشل میڈیا پر مجھے میرے گھر کا ایڈرس اور موبائل نمبر بھیجا۔

متاثرہ خاتون نے بتایا کہ عثمان مرزا نے کہا کہ اس کے پاس کی میری تمام ذاتی معلومات ہیں اور اس نے دھکمی دی تھی کہ دوستی نہیں کرو گی تو گھر پہنچ جاؤں گا۔

متاثرہ خاتون کے مطابق عثمان مرزا لمبے عرصے تک بلیک میل کرتا اور دھمکیاں دیتا رہا۔

متاثرہ خاتون نے انکشاف کیا ہے کہ عثمان مرزا کے خلاف ایف آئی اے سائبر کرائم راولپندی کو درخواست دی تھی لیکن سائبر کرائم نے میری درخواست پر کوئی کارروائی نہیں کی۔

خیال رہے کہ اسلام آباد میں جوڑے پر تشدد کیس میں گرفتار مرکزی ملزم عثمان مرزا اور دیگر کو مزید 4 روز کے جسمانی ریمانڈ پر پولیس کے حوالے کردیا گیا ہے۔

By admin

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے